Меню

/1926-1998/. Архангай аймгийн Эрдэнэмандал сум. Улаанбаатар хотын Ханын материалын комбинатын тоосгочин байхдаа Гавьяат барилгачин /1981-07-09. №233/. Эмэгтэй.
    1955 оноос Улаанбаатар хотын Тоосгоны хоёрдугаар үйлдвэрт ажилчин болж, тоосгочны мэргэжил эзэмшин тус үйлдвэрт 1961 он хүртэл, 1961 оноос Ханын материалын комбинатад тоосгочноор тасралтгүй 36 жил ажиллаад 1991 онд насны тэтгэвэрт гарчээ. Их барилгын талх болсон тоосго үйлдвэрлэх ажилд хүчин зүтгэж, эх орныхоо бүтээн байгуулалтын үйлст жинтэй хувь нэмэр оруулсны дотор 1966-1980 он буюу IV, V, VI таван жилд 19 жил нэг сарын ажил хийж 1,9 сая төгрөгийн хэмнэлт гаргасан хөдөлмөрийн бахдам амжилтаараа энэ эрхэм алдар цолыг хүртсэн байна. Ардын Их хурлын депутатаар сонгогдож байжээ. Сүхбаатарын одон, Хөдөлмөрийн гавьяаны улаан тугийн одон, “Алдарт эх” одон, медалиудаар шагнагджээ.