Меню

/1959/. Хэнтий аймгийн Биндэр сум. УБТЗ-ын “Улаанбаатар” өртөөний сэлгээний зохицуулагч байхдаа Гавьяат тээвэрчин /2004-05-27. №88/.
    УБТЗ-ын “Улаанбаатар” өртөөнд  1978-1993 онд вагон холбогч, галт тэрэгний найруулагч, 1993 оноос хойш сэлгээний зохицуулагчаар ажиллаж иржээ. 1999 оноос хойших таван жилд жил бүр 6135-9725 вагон ачуулж, 13531-17452 вагон буулгуулж, 41076-66906 вагон явуулж, 1204-1961 галт тэрэг хүлээн авч, 1174-1912 галт тэрэг явуулжээ. Гэхдээ эдгээр үзүүлэлт жил бүр өссөн байна. Орон нутгийн вагоны сул зогсолт 1999 онд 23,1 байсан бол 2003 онд 20,9 болж буурчээ. Ээлжийн ажил эхэлсэн цаг минутаас галт тэргийг зөрчилгүй хүлээн авах, тогтоосон цагт нь явуулах, өртөөний замын ачаалал, өртөөнд хаашаа явах, хэдэн вагон байгаа болон зам, холбооны байгууламжийн ажиллагаа, тэдгээрт засвар үйлчилгээ хийгдэх хугацаа зэргийг сайн мэдэж, хөдөлгөөний аюулгүй байдлыг хангуулж ажилладаг туршлагатай тэргүүний ажилтан ажээ. Тиймээс замын ажил мэргэжлийн аваргаар удаа дараа шалгарсан байна. “Алтан гадас” одон, Хөдөлмөрийн хүндэт медалиар шагнагджээ.