Меню

/1923-1991/. Баян-Өлгий аймгийн Улаанхус сум. Баян-Өлгий аймгийн Намын хорооны нэгдүгээр нарийн бичгийн дарга байхдаа Гавьяат багш /1981-07-04. №200/.
1942-1944 онд Намын шинэ хүчний дээд сургууль, 1954-1957 онд ЗХУКН-ын Төв хорооны дэргэдэх Намын дээд сургуульд суралцаж төгсчээ. 1938-1940 онд Ховд аймгийн Улаанхус сумын III багийн түр сургуулийн багш, 1940-1942 онд Баян-Өлгий аймгийн ХЗЭ-ийн хороонд хэлтсийн эрхлэгч, 1944-1954 онд МАХН-ын Төв хорооны дэргэдэх Намын шинэ хүчний дээд сургуульд багш, Баян-Өлгий аймгийн намын хороонд хэлтсийн эрхлэгч, МАХН-ын Төв хороонд лектор, Намын дээд сургуульд багш, 1957-1959 онд мөн сургуульд тэнхмийн эрхлэгч, Намын Төв хорооны суртал ухуулгын хэлтсийн орлогч эрхлэгч, 1959-1963 онд Увс аймгийн намын хорооны нэгдүгээр нарийн бичгийн дарга, 1963-1980 онд Намын дээд сургуулийн захирал, 1980-1990 онд Баян-Өлгий аймгийн намын хорооны нэгдүгээр нарийн бичгийн дарга, 1990 оноос нас бартлаа Засгийн газрын дэргэдэх Удирдлагын хөгжлийн институтийн Баян-Өлгий аймаг дахь салбарын эрхлэгч, багшаар ажиллажээ. Удирдах боловсон хүчин бэлтгэхэд өөрийн мэдлэг боловсрол, авьяас билгээ зориулсан сурган хүмүүжүүлэгч, профессор, удирдах ажилтан байжээ. Ардын Их хурлын депутатаар дөрвөн удаа сонгогдож, МАХН-ын удаа дараагийн их хуралд төлөөлөгчөөр оролцож Намын Төв хорооны орлогч гишүүнээр гурав, гишүүнээр таван удаа сонгогджээ. Сүхбаатарын одон, Хөдөлмөрийн гавьяаны улаан тугийн одон, гурван удаа “Алтан гадас” одон, медалиудаар шагнагджээ.